Vossasongar - Vokal folkemusikk frå vossabygdene

Folkesongen i vossabygdene er mangslungen og variert. Stev, bånsullar, mellomalderballadar, skillingsviser, religiøse folketonar og lokking har levd side om side i mange hundre år.
Med «Vossasongar» har Berit Opheim dokumentert 554 folketonar frå tre bygder som tidlegare var delte inn i eigne herad: Evanger, Voss og Vossestrand. Lydutgjevinga har med nokre arkivopptak av eldre songkjelder, men dei aller fleste opptaka er nyinnspelingar. Denne boka inneheld tekstane til songane i tillegg til korte biografiar om 45 songkjelder som alle har gjort sitt for å føra denne songtradisjonen vidare.