Barn av fridommen - oppvekst og bygdeliv i etterkrigstida

Dette er ei detaljrik kulturhistorisk forteljing om oppvekst i etterkrigstida i den vesle bygda Oppedal ved Sognefjorden – eit samfunn der tradisjonar, arbeid og fellesskap framleis står sterkt, sjølv om den nye tida sakte endrar kvardagen.

Boka tek lesaren gjennom eit heilt arbeidsår med hesjing, slakting, bærplukking, ølbrygging og handverk, og løftar fram kunnskapen som har bore slektene gjennom generasjonar. Mellom dei praktiske gjeremåla får me nære glimt frå livsløpet: dåp, bryllaup, gravferd og konfirmasjon, og frå årshøgtidene påske, pinse, jonsok og jul.

Det er ei forteljing om barndom fylt av arbeid, plikt, fridom og leik – løfta fram av forfattaren sitt eige blikk som gir historia ei varm, personleg røyst. Ei bok for dei kulturinteresserte, og for dei som vil vite litt meir om korleis ein byggjer gode samfunn og skapar dugande menneske …