Kunsten å danse på lego

Kva gjer du når livet gjer vondt – men du nektar å slutte å danse? Du lærer deg kunsten å danse på Lego.

I denne diktsamlinga møter du ei markant debutstemme som skriv rett på sak, med humor, brodd og eit skarpt blikk for det personlege, det mellommenneskelege og det politiske.
Dikta spenner frå bitande samfunnskritikk og nære relasjonar som skadar, til kvardagsobservasjonar, filosofiske refleksjonar og varme lysglimt av kjærleik og håp – alt ført med ein intelligent og leiken penn og ein tydeleg rytmisk puls.
Ein sterk og original forfattardebut – smertefull, underhaldande og umogleg å ignorere.

Katrine Langlo (f. 1983) kjem frå Stranda på Sunnmøre. Ho er utdanna pedagog innan språk, litteratur, naturfag og musikk, har tre barn og er i tillegg aktiv som musiker og låtskrivar. Ho har blitt tildelt Målblomen av Mållaget for sin bruk av nynorsk og dialekt i tekstane sine.